© 由 头条日报 提供黎耀祥于中秋节煮咗十道菜，黎太好有口福。

「视帝」黎耀祥原来系「隐世厨神」，每年嘅开年饭都由他主理，喺刚过去嘅中秋节，受限聚令影响只好留家同家人饭聚，黎耀祥由买?到落厨，一脚踢煮十人饭，人人激赞好味道。祥仔分享大时大节买?心得：「只要动动脑筋，就算系煮海鲜都可以提前一日买定食材，咁就唔使同人迫，又可以买平啲。」采访：方骞平 摄影：谭壹致

© 由 头条日报 提供呢个清酒牛油炒鲍鱼，隔住张相都流口水。

场地：培仔海鲜@奶路臣街、阿一海景饭店

© 由 头条日报 提供祥仔煮紧韩式炆牛仔骨，隔离炉就煲紧靓汤。

喺中秋节前一日，黎耀祥同太太Julia带埋《头条日报》记者直击他选购海鲜情况，两公婆相当有默契，黎太负责睇车，由「老细」黎耀祥自备冰袋出击，由于祥仔系熟客，老板好识做咁按他需要执啲正嘢，好似鲍鱼、大花蟹、花螺、皇帝斑及墨鱼胶等，仲自动自觉打折，祥仔逗留唔使十分钟就闪得。

© 由 头条日报 提供祥仔系海鲜档熟客，老板培哥一定识做。

祥仔好权威咁发表下厨心得：「正日买?，尤其海鲜一定贵好多，有啲嘢可以整定先，新鲜鱼、虾急冻一日冇问题，雪晕花蟹后，预早蒸好做冻蟹；花螺就用辣酒煮，做定仲入味。」正日当日早上11点，祥仔开始动手，仲加码煲埋莲子茨实淮山花胶竹丝鸡靓汤、蒸鸡、韩式炆牛仔骨、冬菇花胶煲、清酒牛油炒鲍鱼等共十道菜。问祥仔可有兴趣做烹饪节目？祥仔拒绝：「又唔得！我呢啲只系煮家常便饭，唔通炒碟菜都教人咩！之前请过郑嘉颖夫妇嚟食饭，嘉颖锺意食香口嘢，我整咗阿妈教落嘅葱虾煎蛋角、蒸条鱼，佢就食咗三碗饭，我谂只系啲?好?饭啫。」

© 由 头条日报 提供祥仔好锺意食海鲜，每次都亲自去旺角选购。

对于在《双祥见》节目中爆过多年前拍一套古装剧时，有女艺人经常迟到，又冇悔意，搞到累街坊，事后有人推测嫌疑人物系周励淇、廖碧儿、郭羡妮及张可颐，对此，祥仔笑说：「全部都唔系，佢哋好到不得了，而且我冇同张可颐拍过古装剧。」

© 由 头条日报 提供老公去买?，老婆负责睇车，两公婆分工合作。
转载说明:本文转载自互联网,如有侵犯你的利益,请发邮件至本站邮箱,本站24小时内将予删除。